ESCOLA DE IGUALDADE PARA FAMILIAS ONLINE
Durante o mes de novembro as alumnas e alumnos do Colexio Marista Santa María están a traballar arredor do 25N, o día internacional da eliminación das violencias contra as mulleres, desenvolvendo actividades lúdicas e participativas que lles axuden poñerse os lentes violetas. Estes lentes axúdannos a identificar desigualdades e estereotipos de xénero, e a entender que estas ideas preconcebidas non deben limitarnos.
O ámbito familiar é un dos espazos que máis condiciona as vivencias da rapazada. Nel tamén hai desigualdades, machismos e microviolencias, a mayoría das veces inconscientes. Para facilitar o traballo conxunto a ANPA do centro está a organizar a Escola de Igualdade para Familias. Esta busca animar a pais, nais e outras persoas adultas significativas na vida das alumnas e alumnos a reflexionar en torno a todas as cuestións que se traballan de xeito paralelo coa rapazada. Con esta finalidade propoñemos 2 actividades online, agardando que este formato facilite a asistencia e a conciliación:
Medrar en igualdade: desenvolvemento, estereotipos de xénero e estratexias para unha educación igualitaria.
Luns 18 de novembro
19:00 - 20:00
Este obradoiro busca afondar no desenvolvemento da infancia e a rapazada para entender como se vai manifestando a identidade de xénero, a orientación afectivo-sexual e especialmente como impactan os roles e estereotipos de xénero ao longo do desenvolvemento. Procuraremos coas persoas asistentes estratexias para unha educación familiar máis igualitaria e libre de estereotipos.
Medrar en bo trato: Comunicación Non Violenta para familias
Martes 26 de novembro
19:00 - 20:00
Cultivar un ambiente emocionalmente seguro e receptivo no fogar, fortalece os lazos familiares e promove o bo trato, elementos crave para previr a violencia de xénero. Desenvolver patróns de Comunicación Non Violenta na familia proporciona ás crianzas habilidades para a expresión emocional, a xestión positiva e non violenta do conflito e para o establecemento de límites nas relacións persoais, elementos que na adolescencia constituirán piares para iniciarse nas relacións afectivo-sexuais dende o bo trato. Traballaremos todas estas cuestións e proporcionaremos tamén estratexias para educar as nenas e nenos no consenso, como factor protector ante as violencias sexuais e de xénero tanto na infancia como na adolescencia. Achegarase tamén ás familias os protocolos presentes na Guía de actuación ante casos de violencia de género en el ámbito educativo (Xunta de Galicia, 2019).
Inscrición aos obradoiros
Para participar dos mesmos será necesario realizar a inscrición a través do formulario, o mesmo día do obradoiro recibirás un mail co elace á plataforma dende a que realizaremos a sesión. Tanto se te conectas dende o ordenador como se o fas dende o móbil non pecisarás instalar nada para poder participar, pero ten en conta que o manexo dende o PC será moito máis cómodo.
Se ao realizar a inscrición tes algunha dificultade podes poñerte en contacto con Aventeira, a entidade organizadora, a través do correo electrónico lentes.violetas@aventeira.com ou do teléfono 722 349 483.
Formulario: https://forms.gle/ijBH8FtytTwC6xJ59
Se queredes mencionarnos en RRSS as nosas contas son as seguintes:
IG: @aventeira.coop
FB: @AventeiraCoop
